លោកត្រាំបង្អួតរូបថតឆ្កែ ដែលដេញមេដឹកនាំរដ្ឋអ៊ីស្លាមរត់ចូលរូងក្រោមដីមុនសម្លាប់ខ្លួន (អាមេរិច)៖ ប្រធានាធិបតីអាមេរិចលោក ដូណាល់ ត្រាំ បានបញ្ចេញរូបថតសត្វឆ្កែមួយក្បាល ដែលលោកបានអះអាងថាបានដេញមេដឹកនាំរដ្ឋអ៊ីស្លាម Abu Bakr al-Baghdadi ចូលទៅក្នុងរូងក្រោមដី មុនពេលដែលមេភេរវកររូបនេះចុចបំផ្ទុះគ្រាប់បែកធ្វើអត្តឃាត។ លោកប្រធានាធិបតី ត្រាំ បានសរសេរលើបណ្ដាញសង្គម Twitter ថា «យើងសូមប្រកាសជាសាធារណៈនូវរូបថតរបស់ឆ្កែដ៏អស្ចារ្យ (ឈ្មោះត្រូវមិនបានប្រកាស) ដែលធ្វើបានយ៉ាងល្អក្នុងការតាមចាប់ និងសម្លាប់មេដឹកនាំ ISIS គឺ Abu Bakr al-Baghdadi!»។

លោក Trump ក៏បានបង្ហើបផងដែរថាអ្នកប្រយុទ្ធជើងបួនបានរងរបួស បន្ទាប់ពីវាបានចូលទៅក្នុងផ្លូវរូងក្រោមដីក្នុងការប្រតិបត្តិការតាមចាប់ខ្លួន al-Baghdadi។