កងពលតូចថ្មើរជើងលេខ៤២ នាំយកថវិការវិភាគទានយោធិនមរណ:ភាព កងទ័ពជើងគោក ប្រគល់ជូនគ្រួសារសព លោក ព្រឹន្ទបាលឯក កុត យ៉ាន ខេត្តឧត្តរមានជ័យ៖ នៅថ្ងៃទី២០ ខែឧសភា ឆ្នាំ២០២៥ ឧត្តមសេនីយ៍ត្រី ប៉ុល ថេន មេបញ្ជាការរង កងពលតូចថ្មើរជើងលេខ៤២ យោធភូមិភាគទី៤ បាននាំយកថវិការវិភាគទានយោធិនមរណ:ភាពកងទ័ពជើងគោក ចំនួន ១០,០០០,០០០រៀល ប្រគល់ជូនគ្រួសារសព លោកព្រឹន្ទបាលឯក កុត យ៉ាន មុខងារនាយក្រុម១ អនុសេនាតូចការពារ វរសេនាតូចលេខ ៤២១ កងពលតូចថ្មើរជើងលេខ ៤២ យោធភូមិភាគទី ៤ ដែលបាន ទទួលមរណៈភាព កាលពីថ្ងៃទី១៣វេលាម៉ោង២.១៥នាទីព្រឹកខែឧសភាឆ្នាំ២០២៥ ដោយតេតាណុសប្រកាចស្លាប់ក្នុងពេលបំពេញបេសកម្ម សពត្រូវបានធ្វើបុណ្យទៅតាមប្រពៃណីនៅគេហដ្ឋាននៃសព ស្តិតក្នុងភូមិតាស្រី ឃុំសែនសុខ ស្រុកក្រឡាញ់ ខេត្តសៀមរាប ។ ឧត្តមសេនីយ៍ត្រី ប៉ុល ថេន មេបញ្ជាការរង នឹងនាយពលទាហានទាំងអស់ក្នុងកងពលតូចថ្មើរជើងលេខ៤២ បានចូលរួមរំលែកទុក្ខយ៉ាងក្រៀមក្រំនឹងសោកស្ដាយបំផុតជាមួយគ្រួសារសព លោកព្រឹន្ទបាលឯក កុត យ៉ាន ផងដែរ ។