កងពលធំអន្តរាគមន៍លេខ២ បើកវគ្គហ្វឹកហ្វឺនបំប៉នជំនាញ ភស្តុភារ យន្តយុទ្ធ យុទ្ធវិធីថ្មើរជើង ពង្រឹង វរសេនាតូច ឆ្នាំ២០២៥ (សៀមរាប)៖ នៅព្រឹកថ្ងៃទី១៩ ខែឧសភា ឆ្នាំ២០២៥   ឯកឧត្តម ឧត្តមសេនីយ៍ឯក កែវ ធី មេបញ្ជាការរងកងទ័ពជើងគោក មេបញ្ជាការកងពលធំអន្តរាគមន៍លេខ២  បានអញ្ជើញជាអធិបតីក្នុងពិធីបើកវគ្គហ្វឹកហ្វឺននៅទីបញ្ជាការ កងពលធំអន្តរាគមន៍លេខ២ ។       ក្នុងឱកាសនេះ ឯកឧត្តម មេបញ្ជាការ កងពលធំអន្តរាគមន៍លេខ២ បានថ្លែង ចំពោះគណៈកម្មការដឹកនាំការងារហ្វឹកហ្វឺន និងការិយាល័យហ្វឹកហ្វឺន ដែលបានអនុវត្តន៍ តាបបទបញ្ជា និងផែនការ  របស់ឯកឧត្ដម នាយ​ឧត្តមសេនីយ៍ ម៉ៅ សុផាន់ អគ្គមេបញ្ជាការរង មេបញ្ជាការ កងទ័ពជើងគោក  បានទាន់ពេលវេលា របស់មេបញ្ជាការកងទ័ពជើងគោក ។ វគ្គហ្វឹកហ្វឺនដ៏មានសារៈសំខាន់នេះ សំដៅបណ្ដុះបណ្ដាលសមត្ថភាពដល់សិក្ខាកាមពលទាហាន ឱ្យក្លាយជាកងយោធពលខេមរភូមិន្ទ មានវិជ្ជាជីវៈច្បាស់លាស់ មានសមត្ថភាពបំពេញកាតព្វកិច្ចរបស់ខ្លួន ក្នុងកិច្ចការពារសុខសន្តិភាពជូនប្រទេសជាតិ ការពារភាពសុខសាន្តជូនប្រជាជន ពង្រឹងខឿនការពារជាតិរបស់ប្រជាជន ការពាររឹងមាំអធិបតេយ្យ បូរណភាពទឹកដីនៃមាតុភូមិ និងចូលរួមរក្សាប្រក្រតីភាពព្រំដែន កសាង«ព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ»។      ឯកឧត្តម  ក៏បានបញ្ជាក់ដល់សិក្ខាកាមត្រូវខិតខំយកការហ្វឹកហាត់រៀនសូត្រអនុវត្ត និងចែករំលែកបទពិសោន៍ល្អៗ ដល់បងប្អូនពេលវិលចូលអង្គភាពវិញ ទទួលបានជោគជ័យលទ្ធផលល្អ និងបន្តកើនរំលឹកណែនាំមួយចំនួនទៀតដែលជាកត្តាចាំបាច់ដែលធ្វើឲ្យជោគជ័យដល់ការបណ្តុះបណ្តាលធនធានមនុស្សនៃកងយោធពលខេមរភូមិន្ទ  បានជោគជ័យ មានដូចជា (អ្នកចេះច្រើនត្រូវបង្រៀន អ្នកចេះតិច ,អ្នកចេះតិចត្រូវបង្រៀន អ្នកមិនចេះសោះ) និង《យើងទាំងអស់គ្នាហ្វឹកហ្វឺនមិនមែនដើម្បីហ្វឹកហ្វឺននោះទេ គឺហ្វឹកហ្វឺនដើម្បីទទួលចំណេះដឹង ចំណេះធ្វើ យកទៅបំពេញភារកិច្ចតាមតួនាទីរៀងៗខ្លួនប្រកបដោយប្រសិទ្ធភាព និងទទួលបានជោគជ័យ》 ត្រូវមានសាមគ្គីភាព ឯកភាពផ្ទៃក្នុង ។ ត្រូវខិតខំយកចំណេះដឹងហ្វឹកហាត់ រៀនសូត្រ គោរពវិន័យ ចេះសាមគ្គីភាព ទៅបំពេញការងារតាមអង្គភាព និងបានប្ដេជ្ញាដាច់ខាតត្រូវជៀសឆ្ងាយពីការប្រើប្រាស់គ្រឿងញៀន៕ សូមវគ្គហ្វឹកហ្វឺនបំប៉នជំនាញ ភស្តុភារ យន្តយុទ្ធ យុទ្ធវិធីថ្មើរជើង ពង្រឹង វរសេនាតូចរួមមាន៖     -គណៈកម្មការគ្រប់គ្រងវគ្គ  ចំនួន ១៧នាក់     - យោធាចារ្យ                    ចំនួន ២១នាក់     -បំរើការ                           ចំនួន ២០នាក់     -សិក្ខាកាម                       ចំនួន ៣៨៨នាក់ ■ វគ្គហ្វឹកហ្វឺន   -វគ្គបំប៉នជំនាញ ភស្តុភារ ថ្នាក់  វ/តូច ចំនួន ៣១ នាក់   -វគ្គបំប៉នជំនាញ យន្តយុទ្ធ ថ្នាក់ វ/តូច ចំនួន ៣០នាក់   -វគ្គបំប៉នជំនាញ យុទ្ធវិធីថនមើរជើង ពង្រឹង ៣ វ/តួច    អន្តរាគមន៍ ចំនួន៣២៧ នាក់។